Nibiru - Planet X

စကြ၀ဠာကြီးအတွင်း၌ ကြယ်စုကြီးများ ( Galaxy ) မရေမတွက်နိုင်လောက်အောင် တည်ရှိနေကြသည်။ ကျွန်ုပ်တို့နေထိုင်သော နေအဖွဲ့အစည်း ( Solar System ) မှာ များပြားလှသောကြယ်စုကြီးများအနက်မှ တစ်ခုဖြစ်သော နဂါးငွေ့တန်းကြယ်စုကြီး
( Milkyway Galaxy ) ၏ အစွန်ဘက်ကျသော အိုရီယွန် လက်တံ ( Orion Arm ) အတွင်း၌ ရှိပေသည်။ Milkyway Galaxy အတွင်း၌ပင် ကျွန်ုပ်တို့ နေအဖွဲ့အစည်းမှာ အမှုန်ကလေး တစ်မှုန်မျှသာ။ သို့ဆိုလျှင်စကြာဝဠာအတွင်းရှိ မြောက်များစွာသော
နေအဖွဲ့အစည်းများတွင် ကျွန်ုပ်တို့ကဲ့သို့သော သက်ရှိများရှိမနေပါဟု ပြောနိုင်ပါမည်လော . . . ။


ဤသို့သောတွေးခေါ်မှုများမှာ ယခုမှရှိသည်သာမဟုတ်။ လွန်ခဲ့သော နှစ်ပေါင်း ၆၀၀၀ ခန့်က တည်ရှိခဲ့သော ဆူမားရီးယန်း ( Sumerian ) လူမျိုးစုများလက်ထက်ကပင်ရှိခဲ့ပေသည်။ သိပ္ပံပညာထွန်းကားခြင်းမရှိသေးသောထိုခေတ်၏အယူအဆများမှာစိတ်ကူးယဉ်မျှသာဖြစ်
သည်ဟု ယူဆနိုင်သော်လည်း ထူးဆန်းသည်မှာ ၄င်းတို့၏ နေစကြ၀ဠာ ဆိုင်ရာ အယူအဆများမှာ ယနေ့ခေတ် နောက်ဆုံးတွေ့ရှိမှုများထက်ပင် ပြည့်စုံတိကျနေခြင်းပင်။ ဆူမားရီးယန်းတို့၏ ရှေးဟောင်းရုပ်ပုံသမိုင်းအထောက်အထားများအရ ဆီလျော်အောင်ယူဆကြည့်ပါက အောက်ပါအတိုင်းတွေ့ရမည်ဖြစ်သည်။
လွန်ခဲ့သောနှစ်သန်းပေါင်း ၂၀၀ ခန့်က ကျွန်ုပ်တို့နေအဖွဲ့အစည်းမှာ ယခုကဲ့သို့မဟုတ်ပေ။ နေမှစ၍ စတင်ရေတွက်သော် -
1. မာကျူရီ
2. မားစ်
3. တိုင်ရားမက် ( Tiamat )
4. ဂျူပီတာ
5. စေတန်
6. ယူရေးနပ်စ်
7. အမည်မသိဂြိုလ်တစ်လုံး
8. နက်ပကျူး နှင့်
9. ပလူတို ဟူ၍ဖြစ်သည်။
ယင်းဂြိုလ်များထဲမှ တိုင်ရားမက် ဂြိုလ်ကြီးသည် ယနေ့ကမ္ဘာဂြိုလ်၏ နှစ်ဆမျှရှိပြီး သက်ရှိများလည်း တည်ရှိခဲ့သည်။ ဒိုင်နိုဆော ( Dinosour ) ကဲ့သို့သတ္တ၀ါကြီးများဖြစ်သည်။ အိမ်နီးချင်း မားစ် ဂြိုလ်၌လည်း အပင် နှင့် နို့တိုက်သတ္တ၀ါများ ရှိခဲ့သည်။ ထိုအချိန်တွင် အလွန်ဝေးကွာသောအရပ်၌ အိုစီရစ် ( Osiris ) ကြယ်ကြီးကို ဗဟိုပြု၍ ဂြိုလ်များဖြင့်လှည့်ပတ်နေသော နေစကြ၀ဠာ နောက်တစ်ခုလည်းရှိသည်ဟူ၏။ ၄င်းတို့ထဲ၌ နီဘီးရု ( Nibiru ) အမည်ရှိသော ဂြိုလ်ကြီးလည်း အပါအ၀င်ဖြစ်သည်။ တစ်ခါသော အိုစီရစ် နေအဖွဲအစည်းအတွင်း ဂြိုလ်အချင်းချင်းထိခိုက်ပျက်စီးမှု ( Cosmic Collapse ) ဖြစ်ပေါ်ခဲ့ပြီး ၄င်းအရှိန်ကြောင့် နီဘီးရု သည် လမ်းကြောင်းပြောင်းကာ ကျွန်ုပ်တို့နေအဖွဲ့အစည်း အတွင်းသို့ ရောက်လာခဲ့သည်။

ထိုသို့ရောက်ရှိလာရာမှ နီဘီးရု ၏ လများအနက်မှ တစ်စင်းသည် မားစ်ဂြိုလ်နှင့်တိုက်မိပြီး မားစ် ပေါ်မှ သက်ရှိနှင့်အပင်များ ပျောက်ကွယ်သွားခဲ့သည်။ ဆက်လက်၍ နီဘီးရုသည် တိုင်ရားမက် နှင့်တိုက်မိပြန်သည်။ ထို့ကြောင့် တိုင်ရားမက် မှာလည်း အစိတ်အပိုင်းနှစ်ခု ကွဲထွက်သွားသည်။ ၄င်းအနက် တစ်ခုမှာ အစိတ်စိတ်အမွှာမွှာ ဖြစ်ပြီး လွင့်ထွက်သွားကာ မားစ် နှင့် ဂျူပီတာ အကြားတွင် ဂြိုလ်ပဲ့ခါးပတ်
( Asteroid Belt ) ဖြစ်လာခဲ့ပြီး ကျန်တစ်ခုမှာ ကျွန်ုပ်တို့၏ ကမ္ဘာဂြိုလ်ဖြစ်လာခဲ့သည်။ ထိုကဲ့သို့ တိုက်မိမှုကြောင့် ကမ္ဘာပေါ်၌ ဒိုင်နိုဆောကြီးများ မျိုးသုဉ်းပျောက်ကွယ်ခဲ့ရသည်။ နီဘီးရု မှာလည်း ကျွန်ုပ်တို့နေမင်းကြီး၏ ဆွဲငင်အားကို မလွန်ဆန်နိုင်သဖြင့် နေစကြ၀ဠာ၏ ဂြိုလ်ကြီး တစ်လုံးအဖြစ် နေအား နှစ်ပေါင်း ၃၆၀၀ လျှင် တစ်ပတ်ကျ ရှည်လျားသော ဘဲဥပုံလမ်းကြောင်းဖြင့် လှည့်ပတ်နေခဲ့ရသည်။

ထို့ကြောင့် ဆိုမားရီးယန်းတို့၏ မှတ်တမ်းမှတ်ရာများအရ နီဘီးရု သည် ကျွန်ုပ်တို့နေစကြ၀ဠာ ၏ ဒဿမမြောက်ဂြိုလ်ဖြစ်သည်။ တစ်ခါသော် နီဘီးရု နေစကြ၀ဠာသို့ လာရောက်ခဲ့သည့် အခေါက်၌ကား သိပ္ပပညာအားဖြင့် အလွန်အဆင့်မြင့်သော ၊ သက်တမ်းအားဖြင့် နှစ်ထောင်ချီအသက်ရှည်သော ဂြိုလ်သား ( Alien ) များအား တင်ဆောင်ရောက်ရှိလာခဲ့သည်။ ၄င်းတို့မှာ ဆီးရီးယပ်စ် ( Sirius ) နေအဖွဲ့အစည်းမှ ဖြစ်ပြီး အာကာသအတွင်း ဂြိုလ်များကို အာကာသယာဉ်သဖွယ် စီးနင်းကာ သွားလာနေကြသူများ ဖြစ်သည်။ ကမ္ဘာမြေပေါ်၌ ၄င်းတို့အလိုရှိသော သတ္တုပစ္စည်းများ တွေ့ရသည့်အတွက် ၄င်းတို့ထဲမှ အဲနု ( Anu ) ၊ အဲန်လီ ( Enlil ) နှင့် အဲန်ကီ ( Enki ) တို့အား ကမ္ဘာမြေပေါ်သို့ စေလွှတ်ခဲ့သည်။ အဲန်ကင် သည် ၄င်း၏မိဖုရား နင်ဟားဆက်၏ အကူအညီဖြင့် သူတို့၏မျိုးဗီဇ နှင့် ကမ္ဘာပေါ်တွင် စတင်ဖြစ်ပေါ်လျက်ရှိသော သက်ရှိမျိုးဗီဇတို့ကိုပေါင်းကာဇီဝအင်ဂျင်နီယာအတတ်ဖြင့် မျိုးနွယ်စုတစ်ခုဖန်တီးခဲ့သည်။ ရည်ရွယ်ချက်မှာ ၄င်းတို့၏လုပ်ငန်းများ၌ ခိုင်းစေရန်ဖြစ်သည်။ ထိုမျိုးနွယ်စုသည်ကား လူသား ( Human Being ) ပင်ဖြစ်သည်။ ထိုအချိန်ကလူသားတို့မှာ အရွယ်အစားကြီးမားပြီး သက်တမ်းမှာလည်း သိန်းဂဏန်းအထိပင် အသက်ရှင်နေထိုင်ခဲ့ကြသည်။

သို့သော် . . . ခရစ်တော်မပေါ်မီ နှစ်ပေါင်း ၇၀၀၀၀ ခန့်အလိုတွင် နီဘီးရု သည် ( Cosmic Collapse ) တစ်ခုနှင့် ထပ်မံကြုံတွေ့ရပြီး မူလလမ်းကြောင်းမှ သွေဖည်ကာ ကမ္ဘာနှင့် အနီးကပ်ဆုံ ပတ်လမ်းမှ ၀င်ရောက်လာခဲ့သည်။ ထိုအခါ ကမ္ဘာပေါ်တွင် နီဘီးရု ၏ ဆွဲအားကြောင့် ရေလွှမ်းမိုးမှုအကြီးအကျယ်ဖြစ်ပေါ်လာခဲ့သည်။ သမ္မာကျမ်းစာ၌ပါသော ရေလွှမ်းမိုးမှုဟု ယူဆနိုင်ပေသည်။ နီဘီးရု မှာလည်း ဂြိုလ်ပဲ့ခါးပတ်ကိုဖြတ်သန်းလာခဲ့ရ၍ ကိုယ်ပိုင်လတစ်စင် ဆုံးရှုံးသွားခဲ့သည်။ ထို လ မှာ ကမ္ဘာ့ဆွဲအားကြောင့် ကမ္ဘာ၏အရံလအဖြစ် ရောက်ရှိခဲ့သည်။
ထို လ ရောက်ရှိလာသောကြောင့် ကမ္ဘာ့လေထု၌ အပြောင်းအလဲများ ဖြစ်ပေါ်ကာ လူ့သက်တမ်းလည်း တဖြည်းဖြည်း တိုလာခဲ့သည်။ နောက်ပိုင်း၌ အဲန်ကီတို့၏မျိုးနွယ်စုများမှာ လူသားမျိုးနွယ်စုများနှင့်ပေါင်းဖက်မိကာ ကပြား မျိုးနွယ်များဖြစ်လာခဲ့ပြီး မြိုပြနိုင်ငံများတည်ထောင်၍ အချင်းချင်းစစ်မက်များလည်း ဖြစ်ပွားလာခဲ့သည်။ ထို့ကြောင့် နီဘီးရု နောက်တစ်ခေါက်ပြန်ရောက်လာချိန် ခရစ်မပေါ်မီ ၆၃၉ တွင် အဲန်ကီမျိုးနွယ်စုများသည် ဂြိုလ်ကြီးနှင့်အတူ ဤကမ္ဘာမှ ပြန်လည်ထွက်ခွာသွားကြသည်။ ထို့ကြောင့် နီဘီးရု နောက်တစ်ခေါက်ပြန်လာချိန်၌ အဲန်ကီတို့၏မျိုးနွယ်စုများလည်း လိုက်ပါလာကြတော့မည်ဖြစ်သည်။
မျက်မှောက်ခေတ်တွေ့ရှိချက်များမှာလည်း ဆူမားရီးယန်း တို့၏ မှတ်တမ်းများကို ထောက်ခံနေသကဲ့သို့ ရှိနေသည်။ ၂၀၀၅ ခု ဇူလိုင် ၂၉ ရက်နေ့ နာဆာအဖွဲ့၏ ထုတ်ပြန်ချကတွင် ပလူတိုဂြိုလ်၏ အပြင်ဘက်၌ Planet X ဟု ယာယီအမည်ပေးထားသော ဂြိုလ်တစ်လုံးကိုတွေ့ရကြောင်းနှင့် ၄င်းသည် နေနှင့်ကမ္ဘာအကွာအဝေး၏ ၉၇ ဆ ကျော်ကွာဝေးသောနေရာတွင်တည်ရှိပြီး နေကိုဘဲဥပုံလမ်းကြောင်းဖြင့်လှည့်ပတ်လျက်ရှိသည် ဟုပါရှိသည်။အဆိုပါဂြိုလ်သည် ဆူမားရီးယန်း တို့၏ သမိုင်းလာ နှစ်ပေါင်း ၃၆၀၀ လျှင်တစ်ကြိမ်ကျ နေကို လှည့်ပတ်လျက်ရှိသော နီဘီးရု ဂြိုလ်ကြီးဖြစ်ခဲ့လျှင်ကား . . . . ။

ဂြိုလ်သားများ ပါလာမည် ၊ မပါလာမည်ကို အသာထား၍ ဒြပ်ထုအားဖြင့် ကြီးများလှသည့် ဂြိုလ်ကြီးတစ်လုံး ကမ္ဘာကြီးအနီးသို့ ချဉ်းကပ်လာသည်ဟုသာ စဉ်းစားကြည့်ပါ။ လ ၊ နေ နှင့် နီဘီးရု တို့၏ဆွဲအားများကြောင့် ကမ္ဘာကြီးမှာ အကြီးအကျယ်ထိခိုက်ပျက်စီးရပေမည်။ လှိုင်းလုံးကြီးများ ၊ မီးတောင်ပေါက်ကွဲမှုများ စသည့် ဘေးအန္တရာယ်များကြောင့် လူသားမျိုးနွယ်စုတို့၏ ၈၀ % ခန့်အထိပင် သေကျေပျက်စီးသွားနိုင်သည်။ ကမ္ဘာ့ဝင်ရိုးစွန်းများလည်း တိမ်းစောင်းပြီး ကမ္ဘာကြီးလည်ပတ်မှုမှာလည်း ၃ ရက်ခန့်ရပ်တန့်သွားမည်ဖြစ်သည်။ နီဘီးရု ကမ္ဘာမှဝေးရာသို့ပြန်လည်ထွက်ခွာသွားသည့်အချိန်၌ ဤကမ္ဘာကြီးတွင် မည်သည့်အခြေအနေမျိုး ဖြစ်ကျန်ခဲ့မည်နည်း။ မှန်းဆလို့ပင်မရနိုင် . . .။မျက်မှောက်ခေတ် Planet X ခေါ် 2003 UB 313 မှာလည်း ကမ္ဘာမြေပေါ်ရှိ လက်ရှိနက္ခတ်တာရာကြည့်စခန်းများမှ မြင်နိုင်စွမ်းမရှိသောလမ်းကြောင်း ( Blind Spot ) မှ ၀င်ရောက်လာမည်ဟူသော ဖော်ပြချက်ကလည်း ရှိနေပြန်သည်။
ထို့အပြင် အမေရိကန် နှင့် ရုရှ တို့ မြေအောက်၌ မြို့တော်များ တည်ဆောက်လျက် ရှိကြောင်းနှင့် လက်ရှိ အမှန်တယ်တည်ဆောက်နေသော အာတိတ်ဒေသရှိ မျိုးစေ့နမူနာ စတိုခန်းကြီးနှင့် တောင်ဝင်ရိုးစွန်းရှိ အမေရိကန် နက္ခတ်တာရာကြည့်စခန်းတို့မှာလည်း နီဘီးရု နှင့် ပတ်သက်နေသည် ဟူသော ကောလဟာလ များလည်း ထွက်ပေါ်လျက်ရှိသည်။

လေ့လာသူများ၏ အဆိုအရ ၂၀၃၈ ခုနှစ်သည် နီဘီးရု တစ်ကျော့ပြန်လာရမည့်နှစ်ဖြစ်သည်။ ကွဲလွဲမှုတစ်ခုမှာ Planet X ရောက်ရှိမည့်အချိန်က အနည်းငယ်စောလျက်ရှိသည်။ သို့သော် စကြ၀ဠာကြီးနှင့်နိုင်းယှဉ်လျှင်မူ ပြောပလောက်သည့် ကွာခြားမှုတော့မဟုတ်ပေ။ မည်သို့ဆိုစေ . . . အထက်ပါ ဘေးအန္တရာယ်များ ဖြစ်နိုင်သည် ၊ မဖြစ်နိုင်သည် အတတ်မပြောနိုင်သော်လည်း ဆိုမားရီးယန်းတို့၏ နီဘီးရု ( သို့မဟုတ် ) မျက်မှောက်ခေတ်၏ ဒဿမမြောက်ဂြိုလ်ကြီး Planet X ၏ အန္တရာယ် ကမ္ဘာမြေပေါ်သို့ကျရောက်လာနိုင်ဖွယ် အကြောင်းကတော့ဖြင့် ရှိနေပေသေးသည်။ ကဲ . . . မိတ်ဆွေ သင်ရောဘယ်လိုလဲ ၊ ဒဿမမြောက်နတ်ဆိုး အတွက် ဘာတွေပြင်ဆင်ပြီးပြီလဲ?


စာကြွင်း။ ။ ဆူမားရီးယန်း = ( BC 5200 – BC 4500 ) အတွင်း
(Sumerian) ယူဖရေးတီးနှင့် တိုက်ဂရစ်မြစ်ဆုံရာ မြစ်ဝှမ်းဒေသ ၊
ပါရှန်ပင်လယ်ကွေ့၌ ထွန်းကားခဲ့သော လူမျိုးစုအမည်။

ကျမ်းကိုး
သုတစွယ်စုံမဂ္ဂဇင်း 2008 April